Piyrszo je mama

Jedna je yno godka z mlykym wymuldano,
Co już we kolybce była nōm śpiywano,
Inkszo my słyszeli, jak my szli do szkoły,
A nōm „ładnie mówić” kozały rechtory.
Tōż, jak żech ze szkoły prziszoł dycko dudōm,
Pytoł żech sie mamy: czy jo brzidko godōm?
Mama mi padali: nic sam niy pōmoże,
„Mów ładnie” we szkole, a „godej” na dworze.
Tōż żech sie nauczoł, „ładnie mówić” umioł,
Ale żech tyż z czasym ta prowda zrozumioł:
Godka niby ta sama, jednak inkszo trocha,
Bo piyrszo je choćby mama, drugo – jak macocha.