Śpiywki ślōnski

Piycz, piycz cioteczko

28 grudnia, 2019 /

Nasza ciotka spod Ôpolo
Rada piecze kołocz.
My przidymy, wszystko zjymy,
Blacha bydzie goło.

Piycz, piycz cioteczko
Kołocz z posypeczkōm.
Przidymy w niedziela,
Niy ôstanie wiela.

Miała ciotka sztyry blachy
Kołocza ze makym,
My z nim byli hned gotowi
Ze siostrōm a bratym.

Piycz, piycz cioteczko
Kołocz z posypeczkōm.
Przidymy w niedziela,
Niy ôstanie wiela.

Wsuła ciotka do kołocza
Pōł fōnta rōzynek,
Dyć niy byda mu żałować,
Niech se pojy synek.

Piycz, piycz cioteczko
Kołocz z posypeczkōm.
Przidymy w niedziela,
Niy ôstanie wiela.

Pōł dnia lotoł żech do haźla,
Bo mie brzuszek boloł,
Dyć za tydziyń zaś pojada
Do ciotki z Ôpolo.

Piycz, piycz cioteczko
Kołocz z posypeczkōm.
Przidymy w niedziela,
Niy ôstanie wiela.