PIT-y

Siedza tak dzisiej przi stole,
przeciepuja same kwity,
czuja sie, choćbych bōł w szkole,
bo wypełniōm roczne PIT-y.

Czym wiyncyj sam czytōm,
to wiym z tego mynij,
kalkulator cyko,
aż sie w ôczach miyni.

Tu przichody, tam wydatki,
tu zdrowotne, tam na rynta,
wszysko do ôsobnej kratki.
Już mie boli z tego rynka.

A te ôdliczynia,
na lyki, na dzieci,
same ułatwiynia,
na internec w sieci.

Yno niy wiym czamu
zaś musza dopłacić,
a nazod dostanōm
sami ci bogaci.