Pilynta a kaczki

Chcōm pilynta tak na świynta z gynsiōm gyszynk zrobić kaczkōm.
-Coś sie zegno ze allegro, a briftreger zōndzie z paczkōm.
Gōnski biydne, bo dwa tydnie już minyło,
A briftregra, jak niy było, tak niy było.
Co sie stało? Wtopa mało.
Gynsim piōrym ta adresa napisała gōnska niy tak.
Pomylyła se literki, tōż bōł z tego problym wielki,
Bo briftreger tam z tōm paczkōm, niy mōg trefić ku tym kaczkōm.
Gołymbie sie dowiedziały a po wszyjskich wsiach lotały,
Pytały sie wrōny, kruka: -Kaj ôd kaczek je chałupa?
Pedzioł im bōł boczōń prawie: -Kaczki siedzōm hań, na stawie.
Tōż briftreger bōł fest rod, że kaczo adresa znod.
Rade były i pilynta: -Paczka doszła, choć po świyntach.
Kaczkōm było trocha gupio, tōż pilyntōm tyż co kupiōm.