Pies a wesz

Przi budzie szczeko pies
I wyszczyrzo swoji kły,
Bo go w kark ugryzła wesz
I ôn na nia je fest zły.

Dropie pies po karku łapōm,
Wesz pod parza sie schowała
I ugryzła go pod parzōm,
Choćby sie z nim bawić chciała.

Pies podropoł sie pod parzōm,
Wesz uciykła mu na brzuch,
Tak tōm łapōm ôstro machoł,
Aż ôd tego cołki spuch.

Wesz uciykła mu pod ôgōn,
Pies sie dropie z kożdej strōny.
„Byda żōł już w zgodzie z tōbom,
Niy chca dropać pod ôgōnym.