Pamiyntej ô tym

Chocioż Cie życi posłało w świat
A kilometrōw dzieli Cie szmat,
Pamiyntej o tym…

Czy w Ameryce, w Niymcach, czy w Rusi,
Dobrym człowiekym dycko być musisz,
Boś je Ślōnzokym…

Czy Ci sie w życiu dobrze ukłodo,
Czy los Ci czasym noga podkłodo,
A mosz kłopoty….

Chocioż niy dycko sōm złote gōry,
A tyż na niebie sōm czasym chmury,
Chyć sie roboty….

Bo Tyś to z mlykym matki wycyckoł,
A w sercu siedzieć bydzie Ci dycko,
Żeś je Ślōnzokym…

Bo Tyś je twardy jak wōnglo bryła,
A do roboty mosz wielko siyła,
Yno… zostōń Ślōnzokym.