Padze śniyg

Padze śniyg, padze śniyg,
mrozik leko trzima,
znaczy że, znaczy że,
prziszła ku nōm zima.

Padze śniyg, padze śniyg,
biołe płatki z nieba,
niy wiym czy, nie wiym czy,
radować sie trzeba?

Padze śniyg, padze śniyg,
spadło go dwa cale,
lepsze to, lepsze to,
jakby niy spod wcale.

Padze śniyg, padze sniyg,
dzisiej w Piyrsze Świynto,
zrobiōł mi, zrobiōł mi,
przed laubōm zumiynto.

Padze śniyg, padze śniyg,
za ôknym ôd rana,
dziecka już, dziecka już,
kulajōm bałwana.

Padze śniyg, padze śniyg,
zaskoczōł drōgowcōw,
padōm ci, padōm ci,
dej pozōr kerowco.

Padze śniyg, padze śniyg,
lecōm biołe płatki,
chodnik tyż, chodnik tyż,
bydzie dzisio gładki.

Padze śniyg, padze śniyg,
kery jechać musi,
lepszy niech, lepszy niech,
na sōnkach wyruszy.

Padze śniyg, padze śniyg,
niech mi powiy kery,
kaj se mōm, kaj se mōm,
najōnć rynifery.

Padze śniyg, padze śniyg,
biołe płatki z nieba,
kōniec już, kōniec już,
śniyg ôdciepać trzeba.