Ôsioł na urzyndzie

Była kedyś tako wioska,

co za fojta miała ôsła,

ôsioł chodziōł cołki dnie

i sztyjc yno: meee i meee.

Wszyjscy śmioli sie ze ôsła,

aż wieść cołko sie rozniōsła,

ludzie już wiedzieli wszyndzie,

że je ôsioł na urzyndzie.

Do stolice wieść tyż doszła,

że za fojta majōm ôsła.

Mōndre głowy siedzōm, radzōm:

dyć to przeca niy wypado.

Trza z tym fantym coś wymyślić.

I na posła go wyniyśli.

Gupi zwierze niy rozumie:

Przeca tam sie skryje w tłōmie.