Ôn tu mo swōj dōm

Już gruby nōm downo zawrzyli,
Bo wōngel wywiyźli na wschōd,
Tak dłōgo tyn Ślōnsk nasz grabiyli,
Aż biyda nastała i głōd.

Tōż trzeba nōm chodzić na hołda,
Nazbiyrać se wōnglo na chlyb,
Sprzedali na sklep już tyn teryn,
Kaj kedyś tyn grubski stoł szyb.

Markety nōm same stawiajōm:
„Reale”, „Kerfury”,”Oszōm”,
A do nos roboty niy majōm
I Ślōnzok, jak dycko, je sōm.

Tōż zbiyro te biksy po piwie,
I wiezie ich wōzkym na złōm,
Ôn nigdy sie skarżōł niy bydzie,
Bo przeca ôn tu mo swōj dōm.
Bo przeca ôn tu mo swōj dōm.