Ô tym, jak se wnuk ze starzikym pogadowali

Pytoł sie wnuk starzika:
-Na co mocie ta kryka?
-Jak bydziesz robiōł na sprzika,
To ci niōm pogroża.
-Tōż, jo starce koża
Wōm jōm skryć.
-Dyć, yno jōm chyć,
Ty mały diosku,
To cie uwiōnża na posku.
-Wy tak yno godocie,
A hōuzyntregi mocie.
-Jo sie sam dwojōm, trojōm,
Czytōm ci ksiōnżki, bojōm.
-Wy wcale niy czytocie,
A yno to smyślocie,
Bo jako byście mieli
Czytać ksiōnżki bez breli.