Ô kozłach a bizōnach

Kośniki reż sieczōm,
Baby ubiyrajōm,
Dziecka snopki niesōm,
Do kozłōw stawiajōm.

Potym zagrabujōm
Słōma na powrōsła,
A nimi zwiōnzujōm
Do kupy te kłōska.

Kozły, jak wojoki
Rowno bydōm stoły,
Aż ich drabinioki
Swiezōm do stodoły.

Na kōniec cepōma
Pierōm w prawo, w lewo,
Zbierōm ziorka, słōma,
A wyciepiōm plewo.

Dzisiej nasze dzieci
Już tego niy znajōm,
Kej bez pole leci
Szejś Bizōnōw rajōm.