Ô kołoczu

Kołoczu, nasza pizzo ślōnsko,
Szmak bych mioł na cia ku bōnkawie,
Bo zawōniało mi sam prawie,
Ze syrym, z makym, tak po kōnsku.

Możno sie bydzie kery żyniōł,
A bydōm nosić kołocz po wsi?
Inksi ôd jarzin bydōm zdrowsi,
Dyć bych sie z nimi niy zamiyniōł.

Bo jo mōm kołocz fest we zocy,
Czy na śniodani, czy wieczerzo.
Przi mie niy bydzie kołocz leżoł,

Bo jeś go moga we dnie, w nocy.
Może spolōny być, czy blady,
Bele by niy mioł marmelady.