Ô kaczce, gynsi a kokocie

Spiyrała sie kaczka ze gynsiōm,
Czy połowa może być wiynkszo?
Dostały kotyk po połowie,
Dyć gynś piynć pilōnt chowie,
Tōż chce mieć wiynkszo połowa.
I tak ôd słowa do słowa,
Aż ich przi haji dopod
Gospodorz kotyka – kokot.
Na szpany zmierzōł plac cały,
A ôd teraz po kōnsku miały.
Gynś kokotowi niy wierzi,
Czy ôn to tak gynau mierzi.
Sztyjc ji siedzōm we głowie,
Te słowa ô wiynkszej połowie.