Ô cipce klipce

Wiycie, ta moja cipka,

To tako trocha je klipka,

Bo niesie jajca wszyndzie,

Zamias we gnioździe na grzyndzie.

Jo loca po placu a zbiyrōm.

Prziszoł żech praje dziepiyro,

A jajco trzimia we gości.

-Cipko, czy to niy prociyj,

Wygodnie we gnioździe siodać?

Niy ma ci jajec szkoda?

Dyć sie potrzasko kere,

Abo go kery zebiere,

Zeżere go kot, abo pies.

Wszystko jedno ci je?

Weźnie se do sia te słowa,

Abo zaś jutro ôd nowa

Byda lotoł po placu,

Zbiyroł jajca z marasu?

-Prosza cie, zrozum stworo,

Podwiyl niy ma niyskoro.

We nerwach niy trza mi wiela,

Na ôbiod cie na niedziela

Moga sam kedy upiyc.

Dyć jajca trza bydzie kupić.

Tōż jo już wola tyrać,

A jajca po placu zbiyrać.

Cōż zrobić, mōm tako cipka,

Co z niyj je trocha klipka.