Nic za darmo

2 lutego, 2012 /

W życiu niy ma nic za darmo.
Ani gupio płaczka z ôczōw
Niy poleci ci tak łaps, bo…
Bo szmak gorzki musisz poczuć,
Jak szmakuje.

W życiu niy ma nic za darmo.
Czoło, lico, jak sie spocisz,
To dowo spynkanym wargōm
Chocioż jedyn gram wilgoci.
Ôblizujesz.

W życiu niy ma nic za darmo
I narobić trza sie mocno.
Kery dzisiaj posioł ziarno,
Jutro mo zapłata zocno.
Pożniwuje.