Nad Bałtykym

ze seryje „Ô Tigrze we fligrze”

Kto by sie spodzioł tego:
Tiger je w Kołobrzegu!
Nacieszyć sie niy może,
Nareszcie ujrzi morze.
Sztyjc brakowało kasy,
Niy mōg jechać na wczasy.
Teraz wszyskich zaskoczy,
Jak zejrzōm kota na ôczy.
I ô co tela ryku?
Że kot sie kōmpie w Bałtyku?
To je wandrowiec chyba,
Tōż kaj mo bez lato pływać?
Z hotelu wziōn brele, papucie
I we słōmiannym hucie
Ciōngnie z dekōm na plecach.
Ôpoloł sie bydzie przeca.
Położōł na piosku deka
I zaczōn czytać gazeta,
Tōż ani niy doł pozōr,
Jak wielko fala z wodōm,
Leci bez plaża na przimo.

(…)