Na szlyńcuchy

ze seryje „Ô Tigrze we fligrze”

Było to bez zima.
Kot w dōma niy wytrzimoł,
Tōż mantel ciepły ôblyk
I ruszōł w drōga, coby
Fligrym polecieć.
W necie
Kupiōł se modne ciuchy.
Chce jechać na szlyńcuchy,
Bo chce być hokejistōm.
Fajnie i piyknie wszysko.
Choć taki je pyskaty,
Zapōmnioł, że sztyry łapy
Używo cołki życi.
Tōż jako kijek chyci?
Możno bydzie tańcowoł?
Ledwa yno sprōbowoł,
Zrozumioł, że ta robota,
Niy ma do kota.

(…)