Na Ślōnsku fajnie je

Na Ślōnsku robiymy,
Na Ślōnsku przajymy,
Jak przidzie czas na zabawa,
Przi piwku śpiywōmy.

Na Ślōnsku je fajnie,
Na Ślōnsku je piyknie,
Jak dziołszka w tańcu dopadniesz,
To nocki niy styknie.

Dzisio zabawa je
I bawić nōm sie chce,
Tōż chyćcie kufki do rynki,
Niech piwo sie leje.

Stowejcie ôd stoła,
Kryńćcie sie do koła,
Bydymy dzisiej tańcować,
Niech płynie pot z czoła.

Jutro zaś przidzie czas,
Że robić bydzie trza,
Dzisiej sam kożdy tańcuje,
Zabawa na sto dwa.