Na pynzyjo

z melodyjōm „Pije Kuba…”

Poszoł Kuba roz na gruba,
Bo chcioł kupić ksiōnżka.
Handlyrz – niy, kasa – niy,
Tōż kupiōł we zwiōnzkach.
Wōngel wykipruje,
A jak zahajcuje,
Baba rada, dyć sōmsiada
Kuba zaś potruje.

Downij tata cołki lata
Szlymōm sam hajcowoł,
Kuba tyż, przeca wiysz,
Bez zima przikłodo.
Gaz mo na chałupie,
Dyć to trocha gupie,
Gaz do kuchnie, bo wybuchnie.
Gazu niy chciyj strupie!

Plōmpa hycu? Nigdy w życiu!
My sam wōngel mōmy.
Kuba mo wōnglo fol,
My smogym dychōmy.
Tako tradycyjo,
Piyrwej sam tak było,
Czamu Kuba mo ta gruba
Posłać na pynzyjo?