Na Ôlimpiadzie

Ze seryje „Ô Tigrze we fligrze„

Tiger pōmyśloł i pado: – Jada!
Musza sie wybrać na Ôlimpiada.
Jo żech je przeca niyzwykłym kotym,
Tōż medal prziwiyź musza. Złoty!
Dyć zaroz zrzedła kotu mina,
Bo jako wybrać mo dyscyplina?
We fusbal kopać niy poradzi.
Do kosza bala tyż niy wrazi.
Do wody boji sie skokać yntkōw,
Tōż myśleć ô tym przestoł pryndko.
Skokać ze kijym? Za wysoko.
A choć mo przca dobre ôko,
To niy poradzi strzylać z łuku.
Flinty sie boji, skuli huku.

(…)