Na kōniec

Dyć jeszcze tyn mōj ptok coś mi do ucha dudrze.
To je normalnie szok! Chce widzieć tyn mōj budżet.
Przeca jo mōm ôd dycko prōzno w mojij kasie.
Trocha w fotkach pōmōgło te „hasie na czasie”. *
Jeszcze podziynkowani, za pōmoc w pisaniu.
Tym, co wytrzimali do kōńca przi czytaniu.
A jak sie kery zdrzimnōł, to tyż ni ma szkody,
Bo niy musi sam zy mnōm wyciyrać tej wody…
Naloł żech jōm sam pełno przeca, rowno z progym,
Tōż teraz już leca, a Wy zostōńcie z Bogym.

Ôbjaśniynie:

* pisze sam o wygranym kōnkursie na przebiyrani hasio we Rybniku (segregacja śmieci). Hasło ôd Fojermana: „Rybnik dycko je na czasie, mo guliki, przebiyro hasie”, kaj nagrodōm bōł knipsaparat.