Na gładko

Ludzie, wiycie co za dziwy:
śniyg padze u nos ôd rana.
Taki bioły, prawdziwy.
I zaś je nowy dramat.
Taki niywinny śnieżyk
mo w sobie tako siyła,
że gospodarka nōm leży,
bo zima jōm zaskoczyła.
Ludzie, co wy sie starocie,
biercie to wszyjsko na luzie,
nareszcie zima mocie
i wszyjsko na gładko pudzie.
Żodyn niy może za to,
że w zimie padze śniyg,
jak z lipcu zaskoczy nos lato,
to bydzie dziepiyro śmiych.