Na Bergamutach

Ze seryje „Ô Tigrze we fligrze”

Na Wyspach Bergamutach,
Bezmała je kot w bōtach.
Dyć Tiger z tego je znany,
Że to je kot fest cwany,
Tōż niy wierzi w ta bojka.
Sojka
Godała mu o tym,
Że sie trefiyła z tym kotym.
-Dyć, ta plotkara staro,
Niy poradzi roz za rok
Wybrać sie za morze,
Tōż skōnd ôna może
Znać taki historyje?
Tiger już ledwa żyje,
Ciekawość go zżyro z pojstrzodka.
-Jak słysza tako godka…
Sōm to ôbadać musza.
Wczas rano tam wyrusza.
Z taszōm na plecach, z hutym,
Leci na Bergamuty.
Fligrym je tam roz – dwa,
Tōż teraz yno trza
Rozejrzeć sie doôkoła.

(…)