Na Antypodach

Ze seryje „O Tigrze we fligrze”

Wybroł sie kedyś Tiger,
Co lotoł dycko fligrym,
Wandrowiec znany na świecie.
A kaj? Możno zgodniecie?
Fliger już widać z gōry,
Kiwajōm mu kangury,
Bo już je niydaleko.
Australijo już czeko.
Zaroz przed sia kajś ruszōł,
Dyć w buszu sie zawieruszōł,
Niy trefiōł na kangury.
Jako wylyź z tyj dziury?
Dyć w tych krzach, w takim mroku,
Niy zrobi ani kroku.
Ôroz z daleka ktoś godo,
Tōż sie po cichu skrodo,
Za piyń sie schowoł w ciyniu.
To szli Aborygyni.

(…)