Mysz a kot, abo bier a pier

Mysz mo chynć
sie kajś przynś
bez wieś.
Cōż, kej zły kot
tyż ô tym wiy,
mo na nia szmak,
a je rod,
co mysz zjy.
Dyć ta mysz
je frech tyż,
mo przi sia kij.
Tōż go bij,
bier a pier
go bez łep!
Niech wiy cep,
co niy wert,
tak mysz zjeś.
Zgup żeś?
Tam mosz sklep,
tōż se wejź
a wōszt kup.
Bōł by strup
ta mysz zjod,
by niy jo, pra?
Nō ja.
Dyć, już doś!
Puś ta mysz,
A sie troć.
Ciś stōnd!
I jo tyż.
Do zaś.
Wasz lōmp,
Staś.