Mysz a jyż

Chcioł se mysz za baba wziōnś roz jedyn jyż.
Kret, jak to usłyszoł, pado myszy: – Wiysz,
Jaki ôn mo jegły, niy do sie pohalać.
Je ci to przidajny taki ôstry galan?
Mysz pado mu szczyrze: – Bydź se tego pewny,
Niy leca na jyże, jo rada mōm jegły.
Tyś je przeca ślepy, choć tyż mosz pazury,
Niy ôbrōnisz mie ty przed żodnym kocurym.
Dyć, choć tako szprytno, niy wiedziała ô tym:
Jyż tyż myszy chyto. Zeżar jōm przed kotym.