Mysz a jyż

Trefiyła roz mysz
Jyża we dźwiyrzach,
A pado mu tak:
-Jyż, a ty wiysz,
Gdo jo żech je?
Tōż stroć sie,
Bo jo chca wlyź.
Jyż cołki zblod,
A bōł by siod
Na prōg,
Kej by mōg,
Po tych słowach,
Co słyszy.
Dyć na progu,
Bez połowa,
Leży ôgōn
Ôd myszy.
A mysz, ôna,
Stōnd ôgōna
Niy weźnie,
Tōż jyż dycho,
Sie uśmiycho
Libeźnie.
Na ôstatku
Kajś do zadku
Sie smyczy.
Jegły z potu
Mu dyrgocōm
Skirz myszy.