Moja Godko

Ôch, piykno Moja Godko,
Jak jo fest przaja Ci.
Niyroz Cie za nic mo ktoś,
Mie sie po nocach śnisz.

Jo niy dōm Ci sam, Godko,
Zmiynić sie w hasiok słōw,
Bo Ty mi w gymbie słodko
Szmakujesz, choćby miōd.

Tyś dlō mie, Moja Godko,
Je choćby złoty skarb.
Ty, jak na łōnce kwiotko,
Miynisz sie dyngōm farb.

Tōż sie niy starej, Godko,
Choć bydzie ciynżki szpil,
Jo wierza, że jak Bōg do,
Doczkōmy lepszych chwil.