Mōj plac za pora lot

Mōj plac za pora lot
Z plastyku bydzie mioł strōmy,
A betōngowy płot.
Z sōmsiadym sie niy znōmy,
Tōż, co go to ôbchodzi,
Że byda mioł sztuczno trowa,
Co kret ji niy zaszkodzi
I niy trza siyc ôd nowa.
I listka już niy slecōm,
Niy trza na jesiyń grabić.
Hasioki sam niy szpecōm,
Styknie kubeł wystawić.
Byda mioł czasu kupa
Zaglōndać do kōmputera,
I byda mōg poszukać
W Facebooku se przociela.