Mo kos nos?

Przilecioł roz kos ku mie.
Siod na szpicy na strōmie,
A dō mie ôdzywo sie gupie:
-Ty strupie!
Ty piszesz ô mrowcach bojki,
Widza we wierszach sojki,
Wywiōrki, glizdy, boczōnie…
A co napisoł żeś ô mie?
Mosz jaki wierszyk ô kosie?
Jo twoji bojki mōm w nosie!
-Wybocz kosie, bo jo sie
Boja kosy, jak diosi.
Dyć, kej prosi mie kos,
Wyjōntek zrobić trza roz.
Powiym ci, kosie, na głos:
Niy może mie w nosie mieć kos,
Bo przeca dziōb mo, niy nos.