Mikołaju

Mikołaju, powiydz szczerze:
Czy ktoś w Ciebie jeszcze wierzi?
Czy sōm jeszcze kajś na świecie
Taki łatwowierne dzieci,
Co dostajōm ôszkrabiny?
Niy rōb takij śmiysznej miny.
Wszyjscy wiymy, że mosz pecha,
Niy dosz rady świat ôbjechać,
Bo śniyg downo już niy padze.
Co, przijechać chcesz na quadzie?
I chcesz rynifery sprzedać?
W ZOO bydōm stoły hneda?
Taki żeś je nowoczesny?
Tōż mi prziwiyź te „plej stejszyn”.
Ôbejrzymy, kery lepszy!
Dioboł, padosz, je grajfniejszy?
Na to jednak sie niy skusza,
Niy chca z diobłym grać ô dusza.
Prziwiyź lepszy tradycyjne,
Smaczne lody familijne.
Jo je grzeczny, jo Ci przaja,
Bo sie boja Mikołaja.