Mie niech do pokōj

A jo se wola robić błozna,
Bez polityki cicho żyć,
Posłōchać kosa, ćmiyla poznać.
W ciyniu pod strōmym zelter pić.

Bo w polityce ludziōm sie mierznie
I kożdy dobrze ô tym wiy:
Jedyn pod drugim asta poderznie,
Jedyn na drugim wiyszo psy.

Tōż jo se wola bojki pisać
Świat inkszy widzieć, wierzić, śnić,
Żodyn niy bydzie godoł mi sam,
Co jo mōm robić a kim być.

Bo w polityce ludziōm sie mierznie
I kożdy dobrze ô tym wiy:
Jedyn pod drugim asta poderznie,
Jedyn na drugim wiyszo psy.

Jo polityce niy poradza,
Niy chca rozumieć, ani czuć,
Niech sie ze sobōm zażyro władza,
Mie niech do pokōj rymym suć.

Bo w polityce ludziōm sie mierznie
I kożdy dobrze ô tym wiy:
Jedyn pod drugim asta poderznie,
Jedyn na drugim wiyszo psy.