Marzynia

Jak byda kedy bogaty,
Byda już na pynzyji,
Bez Ślōnsk byda wandrowoł
I byda groł na cyji.

Byda wszyjskim rozprowioł,
Jak to downij bywało,
Jak sie siodało przed laubōm,
Przi piwku we szkata grało.

Na cyji byda przigrowoł,
Pieśniczki ôd starzika,
Ô starym Ślōnsku bojoł,
Lepszy niż we krōnikach.

Na miedzka wygodnie siedna,
Pod staro brzōzka, w ciyniu
I downy Ślōnsk powrōci
Na chwila, we wspōmniyniu.