Mark Twain

Lepszy sie niy ôdzywać wcale, a wyglōndać na ipty,
niż sie ôdezwać, a to udowodnić.

Niy pozwōlcie, coby szkoła zawodzała wōm przi edukacyji.

Banker, to je tyn, co ci pożyczo paryzol, jak świyci słōńce,
ale chce go nazod, jak zaczyno padać deszcz.

Tak żyniaczka, jak śmierć miało by sie brać ze ôtwartymi rynkami.
Ta piyrszo ôbiecuje szczynści, a ta drugo rychtyk go dowo.

Butel niczego niy pokazuje. Cipka, jak śniesie jajco,
to kwuczy niyroz tak głośno, choćby śniōsła planeta.

Nojwiynkszo ze wszyjskich tajymnicōw:
Być gyniszym, a yno sōm ô tym wiedzieć.

Pōnbōczek stworzōł człowieka, bo niy spodobała mu sie małpica.
Wiyncyj niy chcioł prōbować.

Jak by szło skrojcować człowieka ze kotym,
To profit mioł by człowiek, a strata kot.

Człowiek, to je jedyne zwierza, co sie czerwiyni.
A mo do tego powody.

Jak weźniesz do sia zabiydzōnego psa, a zrobisz tak, coby mioł sie dobrze –
niy ugryzie cie. To je cołko rōżnica miyndzy psym a człowiekym.

Jak godosz prowda, to niy musisz niczego pamiyntać.

Kożdy człowiek je choćby miesiōnczek. Mo swoja drugo strōna,
co jōm niy pokazuje żodnymu.

Klasyka, to je to, co wszyjscy chcieli by przeczytać, a czego żodyn niy czyto.

Ludzie niy skuli tego przestowajōm sie bawić, że sie starzejōm, yno starzejōm sie, bo przestowajōm sie bawić.

Wiela razy znojdziesz sie po strōnie wiynkszości, porozważuj nad tym na chwila.

Człowiek z nowym pōmyślōnkym bydzie dycko waryjotym, tak dłōgo,
podwiyl niy bydzie mioł sukcesu.

Człowiek, kery niy czyto, niy mo żodnej przewogi nad tym, kery niy poradzi czytać.

Ôpowoga, to je panowani nad strachym, a niy brak strachu.

Człowiek zrobi mocka, coby mu przoli. Zrobi wszysko, coby mu zowiściyli.

Prowda, to je najzocniejszo rzecz, jako mōmy. Bezto tyż używōmy jōm szporobliwie.

Złote myśli ôd Marka Twaina we niydosłownym tłōmaczyniu ze j. polskigo.