Mały syneczek

Mały syneczek na Ślōnsku miyszko,
Ôjcowie robiōm dlō niego wszysko,
Nic niy brakuje synkowi wcale:
Ptosigo mlyczka, a kakauszale.

Wszyndzi ze synkym za rynka pudōm:
Rano do szkoły, a nazod dudōm.
Dbajōm ô niego, jak ô jajeczko,
Bo to je przeca przajane dziecko.

Je w historyji tyż jedne „ale”:
Ôn niy poradzi po ślōnsku wcale.
Niy chcōm go dować na pośmiywisko,
Tōż z nim po polsku godajōm czysto.

Tak sie sam traci tradycjo staro,
Jak sie z dzieckami w dōma godało.
Potym sie dziwiōm, że Ślōnsk umiyro.
Możno zrozumiōm. Kedyś dopiyro…