Kura marzi, abo jożin z bażin

We kurniku straszny prask,
niy wiym, co sie dzieje,
kurōw niy ma, prōzny plac,
a kokot sztyjc pieje.

Wszyski kury kalup gnajōm,
kokot dostoł chynci,
kożdo piyrszo chce być, bo
wiedzōm, co sie świynci.

Kura marzi, żeby było miło,
Kura marzi, żeby sie spełniło,
Kura marzi, ô tym, co to byndzie,
Jak jōm kokot dopadnie na grzyndzie.
Do tych kurzich marzyń dociepnyć trza nōm to:
Żeby z tego było chocioż jaki jajco.

Czeko kurnik cały już
na kokota w rzyndzie,
yno kury bojōm sie,
czy mu chynć niy przyndzie.

Kożdo kura chce być bliżyj,
na poczōntku w raji,
tōż sie wszyjski cisnōm i
dochodzi do haji.

Kura marzi, żeby było miło,
Kura marzi, żeby sie spełniło,
Kura marzi, ô tym, co to byndzie,
Jak jōm kokot dopadnie na grzyndzie.
Do tych kurzich marzyń dociepnyć trza nōm to:
Żeby z tego było chocioż jaki jajco.

Poprzoł kokot kurōm piynć,
wiyncyj niy doł rady
na amory przeszła chynć,
w kurniku durch swady.

Wszyjski kury zawiedziōne
dziubiōm sie na grzyndzie,
kokot zapioł i polecioł,
wiyncyj już niy byndzie.

Kura marzi, żeby było miło,
Kura marzi, żeby sie spełniło,
Kura marzi, ô tym, co to byndzie,
Jak jōm kokot dopadnie na grzyndzie.
Chcesz kokota trefić, to musisz z przodku stoć,
Jak żeś je ze zadku, to mosz dycko psińco.