Kopruch, mucha a osa

Bojała mucha do ucha ôsie,
Że mo sie posłōchać ô kopruchu,
Co wczora na byzuchu bōł u kowola,
Bo stynkoł, co szpryca mo za tympo,
Tōż se ubzduroł we łepie,
Co kowol mu jōm naklepie.
Kowolowi to je jedno,
Ôblyk se yno brele,
Kopruch na ambos siednōł,
A kowol młotek biere
I zrobiōł z koprucha maras.
Flek masny z niego ôstoł,
Dyć szpryca mioł fest ôstro.
Ôsie je go żol troszka.
-Jo szpryce se niy naôstrza.