Kej sie Krystus rodzi

1.Kej sie Krystus rodzi a na świat przichodzi,
Ćmawo noc w jasnoku prōmiyniami wodzi,
Anioły sie fest radujōm, hań na niebie wyśpiywujōm:
Gloria, gloria, gloria
In excelsis Deo.

Anioły sie fest radujōm…

2.Padajōm pastuszkōm, co gowiydź wachujōm,
Niych tam ku Betlejym kalup popilujōm,
Bo sie narodziōł Zbawiciel, wszyjskich ludzi Ôdkupiciel.
Gloria, gloria, gloria
In excelsis Deo.

Bo sie narodziōł Zbawiciel…

3.Ô niebieski duchy i wy z Nieba posły,
Powiydzcie nōm prowda, dejcie nōm znak prosty,
Bo my nic niy kapujymy, ledwa ze strachu żyjymy.
Gloria, gloria, gloria
In excelsis Deo.

4.Idźcie ku Betlejym, kaj Dzieciōntko czako,
Leży we pieluszkach, we żłōbku i płako,
Ôddejcie pokłōn boskości,Ôn ôsłodzi wōm starości.
Gloria, gloria, gloria
In excelsis Deo.

Ôddejcie pokłôn boskości…

5.A jak już pastuszki wszyjsko zrozumiały,
Zaroz ku Betlejym kalup poleciały
I gynau tak to zastały, jak Anioły im godały.
Gloria, gloria, gloria
In excelsis Deo.

I gynau tak to zastały…

6.A stanyli w miejscu w srogim zadziwiyniu,
Co sie Bōg tak zniżōł ku tymu stworzyniu.
Klynkli przed Nim na kolana, uczciyli swojigo Pana.
Gloria, gloria, gloria
In excelsis Deo.

I gynau tak to zastały…

7.Nareszcie, jak pokłōn Pōmbōczkowi dali,
Ku gowiedzi nazod z uciechōm pognali,
Że już mōgli być godnymi, widzieć Boga sam na ziymi.
Gloria, gloria, gloria
In excelsis Deo.

I gynau tak to zastali…