Jo se kedy w świat wyrusza

Jo se kedy kupia koło,
Taki auto na byndale
I w świat rusza, naôkoło,
Niy byda planowoł wcale.

Kilometry sie niy liczōm.
Moga se rajzować wszyndzie,
Po Europie, za granicōm,
Przeca mōmy „układ z Schengen”.

Mioł by kery jechać chynci,
Mogymy se zrobić spōłka:
Ty byndalami pokryncisz,
A jo siedna se na rułka.

Jo se kedy w świat wyrusza,
Bez Europa, naôkoło,
Ale piyrsze jeszcze musza
Naszporować na te koło.