Jo cie

Przi sobocie, wiary docie,
Trza sie zbiyrać ku robocie.
Wy wszyjscy ôdpoczywocie
I myślicie ô gupocie,
Na kolanach kota mocie
A po krziżu go halocie,
Abo z wnukym w karty grocie.
Kufki pełne biyra mocie,
Z babōm Klany ôglōndocie
I myślicie: jakby jo cie…
A jo musza, w czoła pocie,
Trynować te wody locie.
Potym se to poczytocie,
Chocioż psińco z tego mocie,
Dyć mie przeca dobrze znocie,
Styknie, że sie uśmiychocie.