Jezus malusiyńki

Jezus malusiyński,
W pojstrzodku stajynki
Płacze z zimna,
Bo Mu Mama niy dała pierzinki.

Ôna biydno była,
Chustka z głowy wziyna,
Ôwinyła w nia Dzieciōntko
I siankym przikryła.

Niy mo dlo Syneczka
Ani zegłōweczka.
Do żłōbka Mu położyła
Siana pod głōweczka.

Jak Dzieciōntko kwynko,
Mama je pod rynkōm,
Siedzi cały czas przi żłōbku,
Kolybie Go pryndko.

Płaczek z ôka spado,
Synkowi powiado:
Wola Twoja, Mōj Syneczku,
A jo sie z niōm zgadzōm.

Yno niy płacz przeca,
Bo tego niy zniesa,
Doś mōm żolu z Twojij mynki,
Kero w sercu niesa.