Je taki miejsce magiczne…

Je taki miejsce magiczne,
Skryte przed cudzym światym,
Możno przi Twojij uliczce,
Kaj miyszkocie ze bratym.

Niy trza Ci jechać za morze,
Cobyś ôbejrzeć go mōg,
Tymu sie yno pokoże,
Gdo chce go widzieć i czuć.

Je taki miejsce przeklynte,
Co miało go już niy być,
Miejsce tragiczne i świynte.
Czy umisz w niy uwierzić?

Trza mieć go w sercu wpisane,
Niy w papiōrach, we aktach,
Miejsce niyzapōmniane,
Trwać bydzie do ôstatka.