Jak pies ze kotym

Ze seryje „Ô Tigrze we fligrze”

Tym razym pies zejrzoł Tigra
I skoczōł za nim do fligra.
W te koci bojki niy wierzi,
Tōż sōm chce przigoda przeżyć.
Dyć zgodzić sie niy poradzōm
I ôd poczōntku sie wadzōm.
Niy mogōm dogodać sie, kery
Mo siednyć we fligrze za stery.
Kot lecioł już niy roz,
Tōż zaroz na stołek wloz,
Wziōn sie za kerowani,
Godka ôd psa mioł za nic.
Tyn niy myśloł i gibko
Chyciōł Tigra za kitko.
-Kot pilot? Kto to słyszoł?
Niech rozkazuje myszōm!
-Tyś sam je yno gość!
Móm cie już, burku, doś!
Tiger sie leko wkurzōł,
Tōż pazura tyż użōł.
Przejechoł psu po nosie.
Psu niy podobo to sie,
Znerwowoł sie teraz dopiyro,
Tōż sie na haja zbiyro.

(…)