Jak anioł ze diobłym we karty grali

Trefiōł sie anioł z diobłym przi piwie we szynku,
Mi sie zdo ku ôstudzie zaczli grać we karty.
Dyć padali już downij starzi ludzie: -Synku,
Siednyć możesz ku kartōm, dyć nigdy ôżarty!

Ledwa frechowny diosek wziōn karty do rynkōw,
Z rynkowa cygani. Anioł, tyż zażarty.
Niy wiedzieć kedy ani, głowa mioł już ciynżko,
Chyciōł kufka do gości, zaroz gich we karty.

Dioboł mioł już doś chmiylu, tōż tyż go to siekło:
-Dyć jo cie niy poznowōm. Strōż anioł zażarty?
Tōż było już po szpilu. Zaczło sie fest piekło.

Jo sie tej jejich haje tak troszyczka boja,
Tōż dycko pozōr dowōm, co majōm za karty,
Bo, niech by grali praje ô duszyczka moja?