Ida bez życi

Ida bez życi po bosoku
I wcale sie niy śpiychōm,
Hołdy mōm wszyndzi przi boku
I luftym z koksownie dychōm.

Mōg bych se kupić koło,
Żeby pobyndalować,
Ale mie jest wesoło,
Niy chca nikaj szusowac.

Ida po ślōnskich drōgach,
I niy chca z drōgi zboczyć,
Mijōm z daleka woda,
Żeby se nōg niy zmoczyć.

Ida i wcale niy siodōm,
Daleko przedy mnōm drōga,
w rancie, przi drōdze jodōm.
Kaj ida, pedzieć niy moga….