Gzujymy

Jo żech za kara
Musioł na kara
Ôbiyli suć,
A z wielkōm parōm
Potym z tōm karōm
Na wartko gzuć.
Ôroz sie starōm,
Bo coś je z karōm
Chyba niy echt.
To baba staro
Mi pod tōm karōm
Pociepła cwek.
Ô jezderkusie,
Trza na platfusie
Ta kara ciś.
Czas ni ma leki.
Bydōm nōm cweki
Pod kōłka suć.
Dyć nōm trza z karōm,
Ze wielkōm parōm
Do przodku gzuć.
Dyć sie niy pytej,
Godej, pisz, czytej,
Godki sie ucz.
A jo do gupot
W te knefle klupoł
A kōńcza już.