Gynsi

Miały roz pilynta chynć
Na szpacyr sie kōnsek przynś.
Ôroz tata gōnsiōr leci,
A z daleka woło dzieci:
-Liwa, liwa, pil, pil, pil…
Trza nōm doczkać pora chwil.
Mama se zrobiyła trwało,
Bezto to na chwila trwało,
Teraz piyrzi suszy drab,
I wyczosać musi kwap.
Potym wejrzi kaj do zdrzadła,
Czy niy mo za duzo sadła.
Tōż za jaki sztwierć godziny
Prziszła mama w kecce mini.
Gynś z pilynciym, gōnsiōr z cerōm,
Bez wieś ciōngnōm z wielkōm herōm.