Gynś

Po stawie pływie kaczka,
A praje sie ji płaczka
Tako we ôku zbiyro.

Wziyna była gynś ku sia,
Nasza dobro kaczusia,
Aże widzi dziepiyro:

Gynś roztopiyrzo krzidła,
Wszyjskim sie już ôbrzidła,
Co tako je frechowno.

Ze pultoczkōm niy godo,
Gōni koziczka młodo.
Kokota mijo downo.

Gynś pado, je krōlowo.
Żodnymu pokōj niy dowo.
W cołkim kotyku haja.

Kaczka rozumi feler:
Gdo kōmornikōw biere,
Pokozać musi im raja.