Gynś a kaczor

Prziszła roz gynś do kaczora:
-Z nas by była piykno pora.
Tyn mōj gōnsiōr, powiym szczyrze,
Ôn mo sztyjc zmazane piyrze.
Niy chce kōmpać sie we stawie,
Już je jak kōminiorz prawie.
Niech se biere ta pultoczka.
To je staro ôżyroczka.
Pedzieć musza prowda, co ta
Stwora pije u kokota.
Żol ôgrōmnie mi je kurzōnt.
Trza zawołać jaki urzōnd!
Twoja kaczka jakoś chrōmie.
Pōdź sie lepszy przekludź dō mie.
Kaczor sie tak na nia dziwo:
-Stroć mi sie sprzed ôczōw, liwo.
Ôni wszyjscy, razym wziynci,
Możno niy sōm tacy świynci,
Dyć bych woloł baba – prosia,
Niż klachula se wziōns do sia.