Gucho mucha

1 września, 2020 /

Kōnsek/fragment

Była se roz jedna mucha,

Zdało by sie, durch normalno,

Dyć ta mucha była gucho,

A tak reszta, całkym fajno.

Miała zielōne czoło,

A na nim pora pikōw,

Deskorolka a koło,

Gitara po starziku.

Miała tyż śmiyszne zwyki:

Marmelady śliwkowej

Zjodała trzi tygliki.

A miała krzidła rōżowe.

Choć była gucho jak piyń,

Śpiywokym ôstać chciała,

Tōż tak bez cołki dziyń

Sztyjc grała a wrzeszczała.

(…)